心中的死結 舊年為ＨｘｘＳ打工，雖然的而且確開頭既表現係”出眾”左Ｄ
但係自問我有去盡力去改善，無論係工作既速度，技巧，質素我都有比
足貨去做，每日返工有時連野都唔食，廁所都唔敢去，就係為左唔想做遲Ｄ野，
就係為要準時交貨，就係為左要人另眼相看！ 記得去到十二月頭既時候，開始漸入佳景，
好唔容易工作上手
好唔容易可以準時收工
好唔容易得到師傅讚我
好唔容易得到ｓｕｐｅｒｖｉｏｒｓ對我改觀
好唔容易得到同事信任，就連有幾個起初好唔滿意我既同事都話進步得好快
對於我天生性格黎講，樣樣野都好唔容易先建立得到
偏偏係呢個佳景開始時候，估都估唔到下一個星期就收大信封！
同我講玩完．．．我比足心機心又點，你一路坐係間房入面
你睇到我做野咩？我比人讚既時候你會聽到咩？！
有幾次我休息放假係屋企連電腦都唔開就渣住ｄ碌屎係咁睇
為咩？！為左話比你聽你冇請錯人！
又唔係成日係公司，一返黎就話要雞人，你大把錢，你好野，你唔憂柴唔憂米食
上市公司主席？！挑！呃返黎既會做得光彩咩？！ 條氣一直都ｃｈｏｋ住ｃｈｏｋ住，直到今天仲係！  ．．．
－－－－－－－－－－－－分界線－－－－－－－－－－－－ 今日去見工，大清早起身搭車去九龍灣，其實一起身就有ｄ肚痛，
所以成朝都口黑面黑咁，心情著晒紅燈。 去到德福廣場，眼見一大串源源不絕既人群向住同一個方向前進，
情景就好似每天一次，每星期六次既晨早動物大遷徙咁，但人群中冇一隻
動物面帶笑容，個個都口黑面黑咁，自己混在人群中間一點兒也不異相 係ＫＦＣ食左個難食到噴既不知所謂既早餐：
鬆餅？！個餅硬過我條命
炒蛋？！ｄ蛋鞋過張沙紙
雞扒？！ｄ肉乾過我銀包
ｄ汁．．咸過死海ｄ海水 捱完個早餐之後，就行過去目的地，去到果間公司個環境真係唔咁好咁．．
填左份ｆｏｒｍ，見左ＨＲ既代表，自己覺得都勉強可以，如果要請首選都唔係我
因為見完出去，有個阿叔，佢又係黎見同一個ｐｏｓｉｔｉｏｎ，
我隻順風耳聽到，千里眼又睇到人地最少有３間ｆｏｒｗａｒｄｅｒ既經驗 見完出黎既時間係上午１０：４０，跟住ＨＲ個人打比我同我講：
幫你預約左１１點去葵涌３號貨櫃碼頭２ｎｄ ｉｎ。
１１點．．．搭的士都唔得啦，ｓｈｏｒｔｓｈｏｒｔ地既．．
又唔係近，又唔係就腳，落左車仲要行１５分鐘，最尾同佢講我１１點半會到
我當然準時１１點半到左。 去到葵涌貨櫃碼頭，果度個倉好大，但又冇乜指示，要問食蕉伯伯先搵到個ｏｆｆｉｃｅ
結果又等等等左１５鐘，個ｍａｎａｇｅｒ出黎見，傾傾傾左１５分鐘
佢最尾都係果句：一星期通知 | 
